5月15日2004年,我係唔會忘記呢一個特別既日子
呢幾日我為左古巨基既第一次拉闊音樂會而頻撲，我不停咁留意住ｙａｈｏｏ拍賣場既走勢，見到佢既飛愈炒愈貴，我既心情就慢慢咁浸入谷底．．．
起初係懷住好興奮同輕鬆既心情去ｂｉｄ既，但係發覺點解愈黎愈貴既？由起初既＄３００，升升升到＄１５００都有，呢個過程，我同ｈｉｕ ｙｉｎｇ一齊經歷過，真係好驚心動魄．．．．．
我亦都有搵過羊同女巫，佢地起初都話會睇，心情都係一樣咁興奮，可惜當佢地知道個價錢已經係去到貴過睇ｃｏｎｃｅｒｔ既＄＄，就決定等待年尾既ｃｏｎｃｅｒｔ！個陣時，我真係覺得好唔甘心，唔開心，仲坐係度發過呆．．．．
到我決定左放棄既時候，我發覺我隻手不由自主咁ｃｌｉｃｋ左ｙａｈｏｏ拍賣場既網站，睇黎個心雖知無希望，但係個身就依然知道我既心意，個種感覺好難形容～
到左星期六個日，我真係打算放棄架喇，我只係係拍賣場度睇下ｄ小古既野，不過又好奇心想知道究竟ｄｅａｄｌｉｎｅ呢日，ｄ飛會升到咩地步，又或者係落到咩價錢，於是又開始去ｓｅａｒｃｈ喇，而我既命運就此改寫．．．（係咪好誇張呢？不過我呢一刻仲係覺得好激動架，所以．．．哈哈哈）
我見到有一個新既拍賣，起價唔高，於是試一試啦，起初我仲係最高叫價人，不過初快要接近拍賣完結既時候，忽然殺出個程咬金，將個價一拉，拉到十萬八千丈咁遠．．．．個時我就諗，算吧啦，無聊再令自己失落多一次，於是又收手，關左部腦佢．．．．．不過都係落唔到手，個心又不停咁諗住，只好搵ｄ世藝做下－“汁”屋。
點知，搞搞下忽然有人打黎，我一聽之下原來係ｙａｈｏｏ拍賣場既人打黎問我係咪頭先ｂｉｄ過佢ｄ飛，我唔知咩事，咪問佢係邊一排位，幾多錢啦（事關我實在睇左太多既小基基拍賣喇，真係唔知佢係邊個）原來佢就係我最尾ｂｉｄ個個人，因為最高個個人放左佢飛機，於是就打比第二個高價者──我。個時個心真係好激動，開始跳起上黎，因為我無諗過自己真係有機會睇架！！我仲有ｄ語無倫次添，即刻問佢幾多錢啦，佢話＄６７５，我忽然諗起太貴既話唔知ｄ ｆｒｄ會唔會受，我就緊係覺得ｏｋ啦，因為呢一刻已經係失左理性。於是不忘壓一壓佢價，問佢＄６５０得唔得，（其實個時已經打定心意如果佢唔肯我都買架喇，如果ｄ ｆｒｄ真係唔肯既，咪幫佢出埋，唔緊要，有陣時機會呢ｄ野，唔係錢可以買得到既）點知佢又肯，咪即刻約時間出黎囉！！
呢個時候，盈佢話過過＄３００唔會睇，而羊又唔得閒，好彩ｈｉｕ ｙｉｎｇ得閒去ｊａ！！因為就算錢可以比，如果無人陪我去，咁．．．都係無意思架！！
好開心咁走左去中環攞飛，一路行一路自己心裡面就係度偷笑，真係好傻，但係我真係好開心，因為呢一刻除左話我知我可以去睇小基基既拉闊之外，仲填補左我心裡面既空虛，有種“終於都得到喇”既感覺！！
見到個女仔喇，佢好準時，我已經係好準時架喇，佢仲要早到，可能佢真係好擔心我又放佢飛機啦，佢個樣好ｎｉｃｅ，好好人個隻ｆｅｅｌ！我地傾左幾句之後就講拜拜分手喇，原來佢陣間都會去睇，只係換多左２張飛賣比人。我返到屋企又再無聊咁睇一睇小古既走勢，都仲有好幾十個拍賣繼續緊，希望佢地都可以ｂｉｄ到啦！！
之後我同ｈｉｕ就四出咁打電話問人借相機，原來ｈｉｕ佢有相機架（要數碼既），不過佢又唔係屋企，所以無辦法，點知我地又搵極都搵唔到。一係就唔聽電話，一係就無數碼，再唔係就連相機都無（同我一樣架，哈哈）於是只好放棄喇，出去同ｈｉｕ會面ｌｕ！！
我地見到佢張飛度話７點１５分可以入場，所以就好準時咁７點１５分去到場地，點知我既“背脊痛”愈來愈激烈，搞到串步難行，即刻買水食止痛藥，我無幾可肯食架，因為知道食左對身體無益，但係無辦法，真係痛到腰都伸唔直，仲要食２粒添，好驚佢會影響我睇小基基既心情呀！！
去到會展，點知原來係未比入場住架，ｈｉｕ肚餓就買左包朱古力餅食，我地等個時見到有拉闊ｔｅｅ賣，＄１８０但係就無小古既圖案，所以我地諗都無諗過要買，哈哈！開始入場喇，好緊張呀！唔知我地個位到底好唔好呢．．．
行到入去，發覺真係ｙｅｌｌｏｗ ｚｏｎｅ＆ ｇｒｅｅｎ ｚｏｎｅ真係好唔掂架，好彩我地係ｒｅｄ ｚｏｎｅ ｊａ，雖然都唔係前，但係總算係對正個台，好滿意！！
８點喇，但係ｄ人仲不停咁入緊黎，而且仲未有開始既蹟像，於是我就提意去一去ｗａｓｈｒｏｏｍ，驚一陣急起上黎，ｍｉｓｓ左任何一幕既小基基就唔好啦。返到出黎已經入左好多人，而我地周圍既人都已經入晒坐，發覺．．．幣喇！點知隔離左右既人都係ｄ“大人”黎既，咁會唔會唔好玩呢？到時得我同ｈｉｕ發癲會唔會比人歧呢？好擔心！！
原來賣飛比我個個女仔就坐我隔隔離ｊａ，佢男友就坐我隔離，我禮貌咁同佢打個招呼，因為如果唔係佢，我唔會有機會坐係入面，亦都唔會有機會睇到小基落力既演出。８點２５分，突然熄晒燈，鄭中基開始唱歌，佢係開埸嘉賓，我都好欣賞佢架，不過個一刻我真係好想快ｄ見到小基基，所以忍唔住叫佢ｄ唱完，佢唱左３首，終於都到我心愛既小基基出場喇！！我同ｈｉｕ都即刻大嗌“古巨基，基仔”乜都岩。基仔著”豹紋西裝”加牛仔褲～好型！！佢一開始就唱奇洛李維思回信，果然係實力派呀，一揀就係ｄ超高音既女仔歌！佢個樣真係好得意，好冧呀，仲要佢個ｅｎｊｏｙ樣真係令人忍唔住好想企起身大叫，可惜係唔比企架呢度．．．．．．小左ｄ氣氛，不過唔緊要，無，我地２個咪自己做囉！！即刻攞頭先入場派既個支“發光”筆出黎，猛咁ｓｈａｋｅ，我地幾乎揮足成埸，手都軟埋。不過最慘都係隻腳．．．．．因為我地比前面ｄ人遮住晒，淨係睇到小基基既上半身，無可奈可之下只好坐住自己一隻腳黎睇，ｅ～真係睇到晒全身ｂｏｒ，如是者，我地全場不停咁交換隻腳黎坐，有好幾次隻腳近乎痳庳，但係為左睇得清楚ｄ，辛苦下都值得既！！
佢之後就唱左周慧敏既自作多情，之前已經知有佢既出現，仲有倪震，谷德昭，林海峰，ｐａｃｏ，ｂａ叔做觀眾等等，跟住仲有好多既女仔歌，莫文蔚既透視，王菲既暗湧同約定，孫燕姿既遇見（我既喜愛歌曲），盧巧音既垃圾，真係全部都激好聽，仲要睇埋佢肉緊個個樣，真係好想暈呀！！我地當然都唔放過一齊唱同嗌啦！！情緒真係好高漲，真係差ｄ出埋汗ｄ（可能已經出左）。聽到ｄ人嗌“假音王子”佢就好得意咁應左句，“咩假音王子呀”係笑住咁講，好謙個隻！！不時有人送花，送心形氣球，ｋｕｂｉ無公仔等等，好羨慕佢地可以咁近同佢接觸呀．．．
之後就唱左愛神＋神蹟＋任天堂流淚，連環的感覺很特別，好好聽！佢把聲令人陶醉～跟住就係到佢自己平反真音既時段喇，有佢自己作曲同詞既「至叻小人類」，佢好激架唱呢首歌個時，真係好勁，證明佢唔止唱歌得，連作曲詞都係無問題！！有才華之士．哈哈哈！緊接住就有毛查查，好好好好激得意架佢唱毛查查呢３個字既時候個樣，真係成個細路咁，叫佢小基基真係無錯架！仲有“毛查查是個橙波波”個句都係好得意，好可愛～
好得意既對聯,小基基仲即時對左句架
之後就係到改變小基命運既作曲作詞人－張佳謙上台同佢合唱喇，小基基話係佢先至搵到自己把聲字ｊａ，無任何人既影子，只屬於佢自己一個既聲線～到ｊａｚｚ時段，有羅馬假期，煞科，佢唱煞科個時真係完全係將成個ｌｉｖｅ推至最高潮，其實佢既唱功已經去到出神入化既地步，佢應該可以更紅更紅架我相信！！唔單止假音勁，真音，高低音都捉得好準，好正！！之後佢跳跳下發覺唔見左張鳴謝紙，好搞笑，佢仲叫左台上面一個ｂａｎｄ友幫佢搜身添，佢仲話自己係好大頭蝦，成日唔記得野，係搵唔到既情況下，只好憑佢淺薄既記憶力，多謝支持佢既機構同人。佢仲流左好多汗，成日都要攞紙巾擦，好想幫佢呀．．．
跟住，講到佢缺別左香港２年，返黎唔夠一年就有咁既成就，就感動到喊喇．．．．佢係躹躬左好耐都唔起身，點知一起身就成面都係眼淚．．．．佢個樣真係好可愛，睇住佢咁好心痛呀．．．．．佢仲一邊喊一邊講“我真係好鍾意唱歌”，我真係好想同佢講：“我知呀，我都真係好鍾意你“！！哈哈ｊｕｓｔ ｍｙ ｉｍａｇｉｎａｔｉｏｎ！！但係諗返起佢個樣，我都好想同佢一齊喊呀．．．．佢仲一邊喊一邊唱我的驕傲，我同ｈｉｕ都有一齊唱，真係激激激感動：：＞＜：：
傷心的哭了...哇...
乖乖快點擦乾眼淚吧
跟住我地全場都拍晒手掌，小古仲叫我地以掌聲暗示ｐａｋｃｏ知快ｄ開ｃｏｎｃｅｒｔ！！ｐａｋｃｏ，你快ｄ手啦，我等唔切喇！！到時要坐頭位～我地拍左好耐呀！！真係好耐，耐到佢都話，“ｅ仲有架，佢知架喇”，我地先停ｊａ，原來拍手都好支力架．．．．哈哈
之後有個ｆａｎｓ 送左支“花炮”比佢，佢好天真咁想開黎玩，點知開極都唔得，佢就好得意咁講左句”我唔識玩呢個呀，可唔可以返屋企先玩呀？”，真係完全將佢可愛既一面表現左出黎，好想好想過去幫佢開呀，佢想叫爸叔幫佢開添呀！！好搞笑～
係呢個時候已經接近尾聲喇，我好唔捨得佢走呀．．．．佢之後走左入去換３，呢個時候應該係ｅｎｃｏｒｅ架，不過我就完全無呢個ｆｅｅｌ，彷彿好似只係唱左一陣，佢只係入去換３．．．．．到佢出返黎，著左件好得意既３，加一頂帽，帽下面有一條黃色冒毛巾物體，好得意～佢真係好似２４歲既細路呀．．．．
佢唱完最後首歌就拜拜，跟住好快咁跑左入後台喇，我真係好突然咁講左句“無架喇”好難以相信，真係激強唔想比佢走呀！！只有等佢ｃｏｎｃｅｒｔ喇
佢隻拉闊ｖｃｄ出左我一定即時買呀！！因為我都在場，同佢分享呢一分鐘既感動同震撼．．．．．．
走個時我同ｈｉｕ交左ｉｄ ｃｌｕｂ既 ｆｏｒｍ，攞左本好靚既ｉｄ簿就走左喇，本簿好靚，我要貼晒ｄ小基基上去日日用～哈哈
捨地鐵個時，我諗起佢傻傻間間個樣自己係度偷笑，比ｈｉｕ佢見到．．．．．．哈哈哈～我個腦仲不停重複緊個首“羅馬假期”
小基基，我永遠支持你呀！！
好多謝ｈｉｕ ｙｉｎｇ同我一齊發癲，我真係好開心，所以忍唔住要重開日記將佢寫低！！仲有，多謝賣飛比我個個女仔，因為唔係有佢，我唔會有呢一日咁美好既回憶！！
而且，因為呢一次既音樂會，我重新同羊羊熟返，呢樣野，係買唔到架～多謝你，古巨基！！
